Къурмэн махуэ лъапIэмкIэ дывохъуэхъу.

Нобэ дунейм муслъымэну тетым ягъэлъапIэ   Къурмэн   махуэшхуэр. Мы махуэ гъуэзэджэм  и лъабжьэщ цӀыхум фIыгъуэу илъытэ лъапӀэныгъэ нэхъыщхьэ дыдэхэр: гущIэгъур, дэхуэхам дэIэпыкъуныр, псапэр, зэгурыIуэныгъэр. Лъэпкъ куэду зэхэт, дин зэхуэмыдэхэр здызэрахьэ ди щIыпIэхэм деж ахэр фІыгъуэм, зэкъуэтыныгъэм, пщІэ зэхуэщІыным  я лъабжьэщ.

Дунейпсо Адыгэ Хасэм и ГъэзэщIакIуэ гупым и цIэкIэ, си щхьэкIэ сэ къызбгъэдэкIыу Къурмэн махуэшхуэмкIэ си гуапэу сывохъуэхъу.

Муслъымэнхэм,   адыгэхэм (шэрджэсхэм), цӀыхухэм псоми мамырыгъэрэ узыншагъэрэ, насыпрэ   фIыгъуэрэ фиӀэну ди гуапэщ!

Къурмэн  махуэшхуэмкӀэ!

 

Дунейпсо Адыгэ Хасэм и Тхьэмадэ

Сэхъурокъуэ Хьэутий